لاہور(نیوز ڈیسک) پولیس کا زمان پارک آپریشن اور پی ٹی آئی کارکنوں کی مذاحمت، عمران خان اور دیگر پارٹی قائدین کے خلاف مقدمہ درج کر لیا گیا۔ تفصیلات کے مطابق مقدمہ ایس ایچ او تھانہ ریس کورس ریحان انور کی مدعیت میں درج کیا گیا، ایف آئی آر متن کے مطابق تحریک انصاف کے قائدین اور سینکڑوں کارکنان نے عمران خان کی ایماء پر سنگین جرائم کیے، پی ٹی آئی کارکنان عوام کے لئے مشکلات اور پریشانی پیدا کرنے کے موجب بنے ،کارکنوں نے سرکاری املاک کو نقصان پہنچایا، کارکنوں کے حملوں میں ڈی آئی جی اسلام آباد سمیت متعدد پولیس اہلکار زخمی ہوئے۔واضح رہے کہ مقدمے میں دہشت گردی سمیت 20 دفعات شامل کی گئی ہیں۔