کراچی(نیور ڈیسک)کراچی سائٹ ایریا میں نامعلوم مسلح موٹر سائیکل سوار ملزمان نے فائرنگ کرکے پولیس اہلکار کو شہید اور دوسرے کو زخمی کردیا۔ تفصیلات کے مطابق کراچی کے علاقے سائٹ ایریا میں نامعلوم مسلح موٹر سائیکل سوار ملزمان نے ڈیوٹی پر مامور پولیس ہلکاروں پر فائرنگ کردی، جس کے نتیجے میں ایک پولیس اہلکار شہید اور دوسرا زخمی ہوگیا۔واقعے کی اطلاع ملتے ہی پولیس کی بھاری نفری جائے وقوعہ پر پہنچ گئی۔ پولیس حکام کا کہنا ہے کہ جائے وقوعہ سے شواہد جمع کر لیے گئے ہیں، واقعے کی جگہ سے نائن ایم ایم پستول کے7 خول ملے ہیں۔حکام نے بتایا کہ شہید ہونے والے اہلکار کی شناخت 30 سالہ رمیز کے نام سے ہوئی جو پولیس ہیڈ کانسٹیبل تھا۔ شہید کی نماز جنازہ آج دوپہرگارڈن ہیڈ کواٹرمیں ادا ہوگی۔ جب کہ زخمی پولیس اہلکار کی شناخت شیر افضل عمر25 سال سے ہوئی۔