اسلام آباد(نیوزڈیسک) بغیرجانچ پڑتال جائیدادو جیولری کی خرید فروخت کرنیوالوں کیخلاف کارروائی کا فیصلہ، بھاری جرمانے عائد کئے جائیں گے۔وفاقی حکومت نے گاہکوں کی جانچ پڑتال کئے بغیرجائیداد اور جیولری کی خرید فروخت کرنے والے مشکوک لوگوں و گاہکوں بارے فنانشل مانیٹرنگ یونٹ اور ایف بی آر کے ڈائریکٹریٹ جنرل آف ڈی این ایف بی پیز کو رپورٹ نہ کرنے والے جیولرز، رئیل اسٹیٹ ایجنٹس و پراپرٹی ڈیلرز اور اکاؤنٹنٹس پر بھاری جرمانے اور پابندیاں عائد کرنے کا فیصلہ کیا ۔ایف بی آر نے 10 کروڑ روپے تک کے جرمانے و ٹیکسوں کی ریکوری کیلئے ڈائریکٹریٹ جنرل آف ڈی این ایف بی پیز کو جیولرز،ریئل اسٹیٹ ایجنٹس و پراپرٹی ڈیلرز اور اکاؤنٹنٹس کے بینک اکاؤنٹس و منقولہ و غیر منقولہ جائیدادیں ضبط کرنے اور گرفتار کرنے کے اختیار دیدیئے ہیں۔
