حیدرآباد(نیوزڈیسک) ڈرائیور نے معمولی تنازعہ پر معروف ڈاکٹر دھرم دیوارٹی کوانتہائی خوفناک طریقے سے قتل کردیا۔پولیس حکام کے مطابق جلدی امراض کے معروف ڈاکٹر دھرم دیوارٹی کی لاش گھر سے برآمد ہوئی جبکہ اُن کا باورچی کچن میں بے ہوش پڑا تھا۔ مقتول کی فیملی فیملی امریکا اور وہ خود سٹیزن کالونی میں مقیم تھے۔صوبائی وزیر برائے اقلیتی امور گیان چند نے ڈاکٹر کے قتل کا نوٹس لیتے ہوئے ایس ایس پی حیدرآباد امجد شیخ سے رپورٹ طلب کی۔ جس پر انہوں نے بتایا کہ ڈاکٹر کی گھر آتے ہی ڈرائیور سے بحث ہوئی جس پر اُس نے چھری اٹھا کر گلا کاٹ دیا۔ایس ایس پی کے مطابق ڈرائیور مقتول ڈاکٹر کی گاڑی لے کر فرار ہوگیا جس کی گرفتاری کیلئے گاؤں میں چھاپہ مارا گیا مگر وہ نہیں ملا، قتل کا سبب سامنے نہ آسکا، ملزم جلد گرفتار ہوگا۔دوسری جانب صوبائی وزیر نے واقعے کی شدید الفاظ میں مذمت کرتے ہوئے اسے افسوسناک قرار دیا اور کہا کہ پُرامن شہری کی بہیمانہ طریقے سے زندگی چھین لی گئی۔
