اسلام آباد(نیوزڈیسک)وفاقی حکومت نےغریب عوام سے جینے کا حق بھی چھین لیا۔ وفاقی کابینہ نے آئی ایم ایف کی شرائط پر عملدرآمد کرتے ہوئے کھانے پینے سمیت دیگر روزمرہ زندگی میں استعمال ہونے والی اشیائ پر 25 فیصد ٹیکس نافذ کرنے کی منظوری دیدی۔ذرائع کے مطابق ٹیکس کی نئی شرح کا نفاذ یکم مارچ سے ہوگا۔ درآمدی موبائل فونز،آٹو سی بی یو،چاکلیٹ،جوسز پر سیلز ٹیکس25 فیصد ہو گا۔کارپیٹس،کاسمیٹکس،ٹشو پیپرزکتوں اور بلیوں کی خوراک بھی ان اشیا میں شامل جن پر 25 فیصد کی شرح سے سیلز ٹیکس کا نفاذ ہوگا۔ مچھلی،فٹ وئیر، فروٹس ، ڈرائی فروٹس، فرنیچر،آئس کریم،جیم، جیلی،لیدر جیکسٹس، شیمپو،سن گلاسز،کیچپ ، ٹریولینگ بیگز ،سوٹ کیسز ، اسلحہ،پاستا،موسیقی کےآلات اورفروزن گوشت پر بھی 25 فیصد سیلز ٹیکس لگایا جائے گا۔ذرائع کا مزید کہنا ہے کہ ہوم اپلائنسز، سینیٹری اور باتھ روم کے سامان، دروازوں ، کھڑکیوں کے فریمز، ڈیکوریشن کے سامان، کراکری اور کارن فلیکس پربھی 25 فیصد سیلز ٹیکس لاگو ہوگا۔