اسلام آباد (نیوز ڈیسک) شوکت خانم سے متعلق الزامات پر خواجہ آصف کیخلاف 10 ارب ہرجانے کے کیس میں عمران خان کے وکیل نے جرح کلئے مہلت مانگ لی ۔آج ڈسٹرکٹ اینڈ سیشن کورٹ کے ایڈیشنل سیشن جج امید علی بلوچ نے خواجہ آصف کیخلاف 10 ارب ہرجانہ کی عمران خان کی درخواست پر سماعت کی، وکیل عابد فاروق عمران خان کی جانب سے عدالت میں پیش ہوئے۔عمران خان کے وکیل عابد فاروق نے استدعا کی کہ جرح کے لئے تیار ہیں، مناسب تاریخ دی جائے ،عدالت نے ریمارکس دیے کہ تاریخ دے رہے ہیں مگراس میں مزید تاخیر نہیں ہونی چاہیئے ، کیس کی سماعت 18 مارچ تک ملتوی کردی گئی ۔
