لاہور ( نیوز ڈیسک)لاہور ہائیکورٹ نے وفاقی وزیر داخلہ رانا ثناء اللہ کیخلاف توہین عدالت درخواست کا تحریری حکم جاری کر دیا،3 صفحات پر مشتمل تحریری حکم جاری کیا واضح رہے کہ لاہور ہائیکورٹ نے عدالتی حکم میں قرار دیا گیا ہے کہ درخواست گزار نے 16 فروری کی پریس کانفرنس کی ویڈیو اور لیک آڈیو کا مواد پیش نہیں کیا،درخواست گزار کے مطابق یہ اعلیٰ عدلیہ کے جج پر طنز کے مترادف ہے،عدالت اس مسئلہ پر آئین کے آرٹیکل 204 کے تحت کسی بھی شخص کو سزا سنا سکتی ہے۔عدالت نے اپنے حکم میں کہا کہ درخواست گزار آرٹیکل 204 کے تحت کاروائی کے لئے کوئی ٹھوس وجوہات پیش نہیں کر سکے، درخواست گزار متاثرہ فریق بھی نہیں ہے،تمام شواہد اور حالات کو مد نظر رکھتے ہوئے درخواست کو ناقابل سماعت قرار دے کر خارج کرتی ہے۔