اسلام آباد (نیوزڈیسک) پاکستان تحریک انصاف کے چیئرمین پی ٹی آئی عمران خان کے خلاف توشہ خانہ کیس میں ان کے وکیل نے سماعت 5 دن کے لئے ملتوی کرنے کی استدعا کردی، جس پر جج نے برہمی کا اظہار کرتے ہوئے کہا کہ کہ یہ کون سا طریقہ ہے، عمران خان 11 کورٹس میں پیش ہوسکتے ہیں، کچہری میں نہیں، عمران خان جوڈیشل کمپلیکس پیش ہوجائیں گے اِدھر کے لئے ٹائم نہیں بچےگا، یہ کون ساطریقہ ہے ، ادھر فرد جرم عائد ہونا ہے ادھر آجائیں، فرد جرم عائد ہوجائے پھر چلے جائیں۔آج اسلام آباد کی ڈسٹرکٹ اینڈ سیشن کورٹس میں عمران خان کے خلاف توشہ خانہ ریفرنس سے متعلق الیکشن کمیشن کی جانب سے فوجداری کارروائی کیس کی سماعت ہوئی جس میں عمران خان کی جانب سے ان کے وکیل علی بخاری عدالت میں پیش ہوئے جبکہ الیکشن کمیشن کی طرف سے سعد حسن بطور وکیل پیش ہوئے۔دورانِ سماعت الیکشن کمیشن اور عمران خان کے وکیل کے درمیان تلخ کلامی ہوئی جس میں عمران خان کے وکیل نے الیکشن کمیشن کے وکیل سے کہا کہ آپ الیکشن کمیشن کے وکیل ہیں، وکیل ہی رہیں، ترجمان نہ بنیں۔عمران خان کے وکیل علی بخاری نے عدالت کو بتایا کہ عمران خان کچھ دیر پہلے لاہور سے نکلے ہیں، انہیں آج جوڈیشل کمپلیکس کی 2 عدالتوں میں پیش ہونا ہے، وہ آج اس عدالت میں پیش نہیں ہوسکیں گے، سماعت 5 دن کے لئےملتوی کرنے کی استدعا کی تو جج نے برہمی کا اظہار کرتے ہوئے کہا کہ یہ کون سا طریقہ ہے، عمران خان 11 کورٹس میں پیش ہوسکتے ہیں، کچہری میں نہیں، عمران خان جوڈیشل کمپلیکس پیش ہوجائیں گے اِدھر کے لئے ٹائم نہیں بچےگا، یہ کون ساطریقہ ہے، ادھر فرد جرم عائد ہونا ہے ادھر آجائیں، فرد جرم عائد ہوجائے پھر چلے جائیں۔الیکشن کمیشن کے وکیل سعد حسن نے سماعت ملتوی کرنے کی مخالفت کرتے ہوئے کہا کہ یہ عدالت کا مسئلہ نہیں عمران خان کہاں سے آرہے ہیں، یہ عدالت میں پیش ہی نہیں ہونا چاہتے، ہم اس کیس پر ہر دن سماعت کے لئے تیار ہیں، وہ دوسری عدالتوں میں پیش ہورہے تو یہاں کیوں نہیں؟۔وکیل عمران خان نے کہا کہ میں آج عمران خان کو عدالت میں پیش کرنے کے قابل نہیں ہوں، اگر عدالتی وقت میں چیئرمین پی ٹی آئی جوڈیشل کمپلیس سے نکل آئے تو پیش ہوجائیں گے۔بعد ازاں عدالت نے توشہ خانہ سے متعلق الیکشن کمیشن فوجداری کارروائی کیس میں وقفہ کردیا۔