اسلام آباد (اے بی این نیوز )چیئرمین واپڈا انجینئر لیفٹیننٹ جنرل سجاد غنی(ریٹائرڈ) سے ایشیائی ترقیاتی بینک کے وفد کی ملاقات ،وفد میں ایشیائی ترقیاتی بینک کے پاکستان، جاپان، چین اور کوریا کے لئے ایگزیکٹو ڈائریکٹرز شامل تھے۔ملاقات میں ترقیاتی ترجیحات، روڈ میپ اور واپڈا منصوبوں کی فنانسنگ کے بارے میں گفتگو کی گئی۔ایشیائی ترقیاتی بینک کے وفد کو کم لاگت اور ماحول دوست بجلی کے لئے واپڈا منصوبوں بارے آگاہ کیا گیا۔ واپڈا منصوبوں کی بدولت تھرمل بجلی کی پیداوار کے لئے مہنگے اور درآمدی ایندھن پر انحصار کم ہوگا۔واپڈا پن بجلی منصوبوں کی تکمیل سے ماحولیات پر پڑنے والے منفی اثرات میں بھی کمی آئے گی۔ملاقات میں واپڈا کی مستحکم مالی حیثیت، ذرائع آمدنی اور منصوبوں کی فنانسنگ کے لئے حکمت ِ عملی پر بھی تبادلہ خیال ،ایشیائی ترقیاتی بینک کے وفد کو زیر تعمیر دیا مر بھاشا ڈیم اور مہمند ڈیم پر تعمیراتی اور مالی پیش رفت پر بھی بریفنگ دی گئی، ملاقات میں پٹن اور تھا کوٹ پن بجلی منصوبوں کی تعمیر کے لئے ایشیائی ترقیاتی بینک کی فنانسنگ پر بھی بات چیتواپڈا منصوبوں میں بین الاقوامی مالیاتی اداروں کے لئے فنانسنگ کے شاندار مواقع موجود ہیں۔
