اسلام آباد (نیوزڈیسک) ایل این جی ریفرنس میں احتساب عدالت نے سابق وزیراعظم شاہد خاقان عباسی کے ناقابل ضمانت وارنٹ گرفتاری منسوخ کر دیئے۔سابق وزیراعظم شاہد خاقان عباسی کے وکیل بیرسٹر ظفر اللہ کی جانب سے وارنٹ گرفتاری منسوخ کرنے کی درخواست دائر کی گئی تھی۔عدالت نے بیرسٹر ظفر کی درخواست منظور کرتے ہوئے لیگی رہنما شاہد خاقان عباسی اور عظمیٰ عادل کے وارنٹ گرفتاری منسوخ کر دیئے۔قبل ازیں احتساب عدالت اسلام آباد نے عدم پیشی پر ن کے مرکزی رہنما شاہد خاقان عباسی کے ناقابل ضمانت وارنٹ گرفتاری جاری کئے تھے۔ایل این جی ریفرنس میں شریک ملزمہ عظمیٰ عادل کے بھی ناقابل ضمانت وارنٹ گرفتاری جاری کیے گئے تھے۔
