طورخم (نیوزڈیسک)طورخم بارڈر پر افغان شہری کو پاکستان داخل ہونے سے سکیورٹی حکام نے روک لیا۔ افغان سکیورٹی حکام نے شہری کو واپس بھیجنے پر طور خم سرحد احتجاجا بند کردی، سرحد کی بندش سے پیدل آمد و رفت سمیت تجارتی سرگرمیاں معطل، طورخم بارڈر پر ٹرکوں کی لائنیں لگ گئیں۔سکیورٹی ذرائع کے مطابق افغان سکیورٹی حکام نے طور خم سرحدی گزر گاہ کو بند کردیا، پاکستان آنے والے افغان مریض کے ساتھی کے سفری دستاویزات نہیں تھے۔ذرائع نے بتایا کہ بغیر سفری دستاویزات پاکستان داخل ہونیوالے افغان شہری کو سکیورٹی فورسز نے واپس کردیا، جس کے بعد افغان شہری کو واپس بھیجنے پر افغان فورسز مشتعل ہوگئی۔افغان فورسز نے طورخم سرحدی گزرگاہ کو احتجاجا بند کردیا، سرحد کی بندش سے پیدل آمد و رفت سمیت تجارتی سرگرمیاں معطل ۔سیکورٹی ذرائع کے مطابق افغان مریضوں کو پاکستان آمد کے لئے سفری دستاویزات سے استثنیٰ حاصل ہے تاہم افغان مریض کے ساتھ آنے والے رشتہ دار کے لئے سفری دستاویزات لازمی ہے۔
