اسلام آباد(اے بی این نیوز) پاکستان تحریک انصاف (پی ٹی آئی) کے چیئرمین عمران خان کی پیر کو ہائیکورٹ میں ممکنہ پیشی کے معاملے پر پارٹی کی جانب سے پنجاب کے سابق اراکین صوبائی و قومی اسمبلی کو کارکنوں کے ہمراہ جی پی او چوک پہنچنے کی ہدایت کردی گئی ۔تمام کوآرڈینیٹرز بروقت تیار رہنے اور قیادت سے مسلسل رابطے میں رہنے کی ہدایات جاری کی گئی ہیں۔ممکنہ پیشی کے حوالے سے سنئیر قیادت نے سیکورٹی کو فل پروف بنانے کیلئے متعلقہ اداروں سے رابطے شروع کر دیے ہیں۔اجلاس میں جیل بھرو تحریک کے حوالے سے مختلف کمیٹیاں تشکیل دے دی گئی ہیں۔دوسری جانب پی ٹی آئی کے پارٹی دفتر جیل روڈ میں اہم اجلاس منعقد کیا گیا جس میں اعجازچوہدری نے شرکا کو جیل بھرو تحریک سے متعلق بریفنگ دی۔ذرائع کے مطابق ہدایت کی گئی ہے کہ ہر پارٹی عہدے دار اپنے ساتھ کم از کم سو کارکنان کو لے کر جی پی او چوک پہنچے۔
