ماسکو (اے بی این نیوز    )روسی صدر ولادیمیر پوتن نے کہا ہے کہ ماسکو مشکل وقت میں تہران کا وفادار دوست اور قابل اعتماد شراکت دار بنا رہے گا۔ انہوں نے یہ پیغام نوروز کے موقع پر مختلف ممالک کے سربراہان کو مبارکباد دیتے ہوئے دیا، جس میں ایران کے رہنماؤں کے لیے خصوصی نیک تمناؤں کا اظہار بھی شامل تھا۔

روسی صدر نے آذربائیجان، قازقستان، کرغیزستان، تاجکستان، ترکمانستان اور ازبکستان کے صدور کو بھی مبارکباد دی اور کہا کہ ان ممالک کے ساتھ دوطرفہ تعلقات مضبوط بنیادوں پر قائم ہیں اور مستقبل میں مزید فروغ پائیں گے۔ انہوں نے اس بات پر زور دیا کہ باہمی مفادات اور کثیر الجہتی روابط خطے میں استحکام کے لیے اہم کردار ادا کریں گے۔

ایران کے لیے اپنے پیغام میں انہوں نے ایرانی عوام کے لیے دعا کی کہ وہ موجودہ مشکلات پر قابو پائیں۔ انہوں نے واضح کیا کہ روس اس نازک وقت میں ایران کے ساتھ کھڑا رہے گا اور ہر ممکن تعاون جاری رکھے گا۔ ماہرین کے مطابق یہ بیان ایسے وقت میں سامنے آیا ہے جب خطے میں کشیدگی عروج پر ہے، جس سے عالمی سیاست میں نئے اتحاد بنتے دکھائی دے رہے ہیں۔

مزید پڑھیں :بریکنگ نیوز۔۔ ایران نے اسرائیل کا ایف 16 جہاز مار گرایا