تل ابیب ( اے بی این   )اسرائیلی میڈیا کے مطابق مغربی کنارے، تل ابیب اور یروشلم پر ایران کی جانب سے میزائل حملوں کی اطلاعات سامنے آئی ہیں۔ رپورٹس میں دعویٰ کیا گیا ہے کہ مغربی یروشلم پر ہونے والے ایک حملے میں کم از کم سات اسرائیلی شہری زخمی ہوئے ہیں، جنہیں طبی امداد فراہم کی جا رہی ہے۔اسرائیلی ذرائع کا کہنا ہے کہ فضائی دفاعی نظام کو فعال کیا گیا اور متعدد میزائلوں کو فضا میں ہی تباہ کر دیا گیا، تاہم کچھ میزائل آبادی والے علاقوں کے قریب گرے جس سے خوف و ہراس پھیل گیا۔ ان دعوؤں کی آزاد ذرائع سے فوری تصدیق ممکن نہیں ہو سکی۔دوسری جانب ایرانی خبر رساں ادارے نے اطلاع دی ہے کہ ایرانی شہر رے میں ایک حملے کے دوران پولیس ہیڈکوارٹرز اور قریبی رہائشی عمارتوں کو نشانہ بنایا گیا۔ ایرانی حکام کی جانب سے نقصانات کی تفصیلات جاری کی جا رہی ہیں، تاہم مکمل صورتحال تاحال واضح نہیں۔ موجودہ حالات میں دونوں جانب سے آنے والی معلومات کی آزادانہ تصدیق مشکل ہے اور صورتحال تیزی سے تبدیل ہو رہی ہے۔

مزید پڑھیں :تمام سرکاری و نجی تعلیمی ادار وں میں آج تعطیل کا اعلان