کوئٹہ(اے بی این نیوز) وزیر زراعت علی حسن زہری نے بلوچستان کابینہ سے استعفیٰ دے دیا۔بلوچستان کے وزیر زراعت علی حسن زہری نے صوبائی کابینہ سے استعفیٰ دیا۔ پاکستان پیپلز پارٹی سے تعلق رکھنے والے علی حسن زہری نے اپنا استعفیٰ وزیراعلیٰ بلوچستان میر سرفراز بگٹی کو ارسال کر دیا۔
استعفیٰ کی وجہ بیان کرتے ہوئے علی حسن زہری نے کہا کہ وقت کی کمی کے باعث وہ زراعت کے شعبے پر وہ توجہ نہیں دے سکے۔ جس کی ضرورت تھی۔
انہوں نے کہا کہ وہ بلوچستان کے عوام سے کیے گئے وعدے پورے نہیں کر سکے۔ اسی لیے عہدے سے استعفیٰ دے رہے ہیں۔ذرائع کے مطابق وزیراعلیٰ بلوچستان کی جانب سے استعفے پر فیصلہ مشاورت کے بعد کیا جائے گا۔
مزید پڑھیں۔ملک میں فی تولہ سونے کی قیمت میں یکدم ہزاروں روپے کا اضافہ ہوگیا
