اسلام آباد ( اے بی این نیوز)سونا اور چاندی عالمی اور مقامی مارکیٹ میں نئی تاریخ رقم کرتے ہوئے بلند ترین سطح پر پہنچ گئے ہیں۔ سونے کی قیمت نے تمام پرانے ریکارڈ توڑ دیے اور آج فی تولہ نرخ میں 6 ہزار 500 روپے کا بڑا اضافہ ریکارڈ کیا گیا، جس کے بعد نئی قیمت 5 لاکھ 21 ہزار 162 روپے ہو گئی۔

اسی طرح 10 گرام سونے کی قیمت میں بھی نمایاں اضافہ دیکھا گیا اور یہ 5 ہزار 573 روپے بڑھ کر 4 لاکھ 46 ہزار 812 روپے تک جا پہنچی۔ عالمی مارکیٹ میں بھی سونے کی قدر میں تیزی رہی جہاں فی اونس قیمت 65 ڈالر اضافے کے ساتھ 4 ہزار 988 ڈالر کی تاریخی سطح پر پہنچ گئی۔چاندی کی قیمت میں بھی اضافہ ہوا ہے۔ فی تولہ چاندی 526 روپے مہنگی ہو کر 10 ہزار 801 روپے کی سطح پر آ گئی۔

مزید پڑھیں :عمران خان کا ایکس (سابق ٹوئٹر) اکاؤنٹ بارے بریکنگ نیوز آگئی ،جا نئے تفصیلات