لاہور (اے بی این نیوز )وزیراعلیٰ پنجاب مریم نواز کے صاحبزادے اور سابق وزیراعظم نواز شریف کے نواسے جنید صفدر کی بارات کی خوبصورت تصاویر منظر عام پر آ گئی ہیں، جو سوشل میڈیا پر تیزی سے وائرل ہو رہی ہیں۔جنید صفدر نے بارات کی تصاویر خود اپنے سوشل میڈیا اکاؤنٹ پر شیئر کیں۔ شادی کی تقریب لاہور کی ایک نجی ہاؤسنگ سوسائٹی میں منعقد ہوئی، جہاں ملکی سیاست کی بڑی شخصیات اور معزز مہمانوں نے شرکت کی۔
تقریب میں سابق وزیراعظم نواز شریف، وزیراعظم شہباز شریف، وزیراعلیٰ پنجاب مریم نواز، وفاقی و صوبائی وزرا، قریبی رشتہ داروں کے ساتھ ساتھ ملکی و غیر ملکی مہمانوں کی بڑی تعداد موجود تھی۔ شادی کی تقریبات انتہائی سادگی اور وقار کے ساتھ مکمل کی گئیں۔جنید صفدر کا نکاح چیئرمین اسلامی نظریاتی کونسل علامہ راغب حسین نعیمی نے پڑھایا۔ یاد رہے کہ جنید صفدر کی شادی مسلم لیگ ن کے سینئر رہنما شیخ روحیل اصغر کی پوتی شانزے علی روحیل سے ہوئی ہے۔
بارات کی تصاویر میں جنید صفدر سفید رنگ کی شیروانی میں ملبوس دکھائی دے رہے ہیں، جبکہ دلہن شانزے علی روحیل نے سرخ رنگ کا روایتی عروسی جوڑا زیب تن کر رکھا ہے، جسے سوشل میڈیا صارفین کی جانب سے خوب سراہا جا رہا ہے۔
ذرائع کے مطابق جنید صفدر کے ولیمے کی تقریب آج جاتی امرا میں منعقد ہو گی، جس میں سیاسی، سماجی اور کاروباری شخصیات کی شرکت متوقع ہے۔
مزید پڑھیں :شعبان کا چاند کب نظر آئیگا،جا نئے
