لاہور (اے بی این نیوز        )پنجاب حکومت نے 40 کلو چینی پر 5 روپے کا شوگر سیس عائد کر دیا ہے، جس کا باضابطہ نوٹیفکیشن جاری کر دیا گیا ہے۔ اس اقدام کے بعد پنجاب میں چینی کی قیمتوں میں اضافے کا امکان پیدا ہو گیا ہے۔رپورٹس کے مطابق یہ شوگر سیس پنجاب فنانس ایکٹ 1964 کے تحت نافذ کیا گیا ہے، جس میں ڈھائی روپے شوگر ملز اور ڈھائی روپے کسان ادا کریں گے۔ حکومت کا مؤقف ہے کہ اس ٹیکس سے حاصل ہونے والی رقم شوگر ملز سے منسلک سڑکوں کی تعمیر اور بہتری پر خرچ کی جائے گی۔

تاہم شہریوں اور تاجروں نے شوگر سیس پر تشویش ظاہر کی ہے۔ ان کا کہنا ہے کہ پہلے ہی مہنگائی کی وجہ سے عوام پر بوجھ بڑھ چکا ہے اور مزید ٹیکس روزمرہ استعمال کی اشیاء کو اور مہنگا کر دے گا۔ دکانداروں نے بھی خدشہ ظاہر کیا ہے کہ اس اضافی بوجھ کا اثر بالآخر صارفین پر پڑے گا، جس سے چینی کی قیمتیں مزید بڑھنے کا امکان ہے۔

مزید پڑھیں :موسمِ سرما کی تعطیلات کے حوالے سے اہم فیصلہ، جا نئے کیا