لاہور(اے بی این نیوز)جامعہ اشرفیہ کے مہتمم مولانا فضل الرحیم اشرفی انتقال کر گئے۔مولانافضل الرحیم اشرفی طویل عرصے سے علیل تھے، مرحوم کی نمازجنازہ دوپہر2بجے جامعہ اشرفیہ میں اداکی جائے گی۔
وزیراعلیٰ پنجاب نے جامعہ اشرفیہ کے مہتمم مولانافضل الرحیم کے انتقال پر اظہار افسوس اور سوگوار خاندان سے اظہارِ ہمدردی و تعزیت کیا ہے۔
صدر استحکام پاکستان پارٹی عبدالعلیم خان نے مولانا فضل الرحیم اشرفی کی رحلت پر اظہار افسوس کیا ہے کہا اہل خانہ اور سے اظہار تعزیت اور صبر کی دعا کرتے ہیں، علم کی جو شمع انہوں نے روشن کی وہ ہمیشہ فروزاں رہے گی۔ ان کی دینی و مذہبی خدمات کو ہمیشہ یاد رکھا جائے گا۔
مفتی محمد زبیر نے کہا کہ مولانا فضل الرحیم اشرفی کا انتقال علمی اور روحانی دنیا ناقابل تلافی نقصان ہے، مولانا فضل الرحیم اشرفی نہایت مشفق و دلآویز شخصیت کے مالک تھے۔
مزید پڑھیں۔وینزویلا کے سیاسی بحران کے بعد تیل کی قیمتیں گر گئیں
