راولپنڈی(اے بی این نیوز)راولپنڈی میں ہولی فیملی اسپتال کے ڈاکٹرز نے نومولود زندہ بچے کا ڈیتھ سرٹیفکیٹ جاری کر دیا۔

والدین نے بچے کے زندہ ہونےکی تصدیق کی تو بچے کو فوری وینٹی لیٹر پر شفٹ کر دیا گیا۔

والدین نے بتایا کہ گزشتہ روزبچے کی پیدائش ہوئی، بچے کی حالت خراب تھی، بچے کے ڈیٹھ سرٹیفکیٹ پر ڈاکٹرز نے میت لواحقین کے حوالے کرنے کی تصدیق بھی کی۔

اسپتال کی جانب سے جاری کیے گئے ڈیتھ سرٹیفکیٹ کا عکس

والدین نے جب بچہ وصول کیا تو اس کی سانس چل رہی تھی، آکسیجن ماسک لگے بچے کو سانس لیتے ہوئے بھی دیکھا گیا۔

اس حوالے سے اسپتال انتظامیہ نے کہا کہ بچہ Lazarus syndrome کا شکار تھا جس میں سانس مدہم ہو جاتی ہے، معاملے کی انکوائری کیلئے کمیٹی قائم کر دی ہے۔

انتظامیہ کے مطابق ڈیتھ سرٹیفکیٹ جاری کرنے میں جو بھی ذمہ دار ہوا اس کے خلاف کارروائی ہوگی۔

مزید پڑھیں۔فرانس کی فضاؤں میں مصری رافال کی پہلی پرواز، اسرائیل کیوں پریشان؟