ہنگو(اے بی این نیوز)ملک کے معروف عالم دین مفتی سید مختار الدین شاہ انتقال کرگئے۔
مفتی سید مختار الدین شاہ جامعہ زکریا دارالامان کربوغہ شریف ہنگو کے شیخ الحدیث تھے اور وفاق المدارس العربیہ پاکستان کے سرپرست کی حیثیت سے بھی خدمات انجام دے رہے تھے۔
انہوں نے متعدد دینی و اصلاحی کتب تحریر کیں، کربوغہ شریف ہنگو میں ان کی خانقاہ تعلیم و تربیت اور اصلاح کے حوالے سے معروف تھی۔
مرحوم کی نماز جنازہ آج بوقت دوپہر 2 بجے مرکز دار الایمان والتقویٰ کربوغہ شریف ہنگو میں ادا کی جائے گی۔
جمعیت علماء اسلام کے سربراہ مولانا فضل الرحمان نے مفتی سید مختار الدین شاہ کے انتقال پر دکھ اور افسوس کا اظہار کرتے ہوئےکہا ہےکہ مفتی سید مختار الدین شاہ امت مسلمہ کا ایک قیمتی اثاثہ تھے، آپ کے انتقال کی خبر سے دل بوجھل ہے۔
مزید پڑھیں۔سابق بنگلادیشی وزیراعظم خالدہ ضیا 80 برس کی عمر میں انتقال کر گئیں
