اسلام آباد (اے بی این نیوز    )حکومتِ پاکستان نے پاکستان انٹرنیشنل ایئرلائنز (PIA) کی نجکاری کے بعد اہم فیصلہ کرتے ہوئے قومی ایئر لائن کا نام بدل کر ایئر پاکستان (Air Pakistan) رکھنے کی منظوری دے دی ہے۔

ذرائع کے مطابق نام کی تبدیلی کے ساتھ ایئر لائن کے لوگو، جہازوں کے رنگ اور مجموعی ڈیزائن میں بھی جدید تبدیلیاں کی جائیں گی تاکہ اسے بین الاقوامی معیار کے مطابق ایک نئی اور پُراعتماد شناخت دی جا سکے۔ اس اقدام کا مقصد پی آئی اے کے ماضی کے مالی بحرانوں اور منفی تاثر کو ختم کر کے اسے ایک منافع بخش ادارہ بنانا ہے۔

حکام نے بتایا کہ سرکاری دستاویزات اور قانونی رجسٹریشن میں “ایئر پاکستان” کے نام سے اندراج کا عمل شروع کر دیا گیا ہے اور آئندہ دنوں میں تمام طیاروں پر نیا نام اور لوگو نمایاں طور پر نظر آئے گا۔ حکومتی حلقوں کے مطابق یہ برانڈنگ تبدیلی نجکاری کے عمل کو مؤثر بنانے اور سرمایہ کاروں کا اعتماد بحال کرنے کی حکمت عملی کا حصہ ہے۔

مزید پڑھیں  :حج تربیتی پروگرام کا آغاز، تاریخ آ گئی ،جا نئے کب سے شروع ہو گا