اسلام آباد (اے بی این نیوز ) نیشنل سائبر کرائم انویسٹیگیشن ایجنسی نے نئے سال کی آمد کے موقع پر شہریوں کے لیے فراڈ الرٹ جاری کر دیا ہے۔ این سی سی آئی اے کے مطابق سوشل میڈیا اور میسجنگ ایپس پر مبارکباد کے لنکس، جعلی تحائف اور انعامات سے متعلق پیغامات تیزی سے گردش کر رہے ہیں جو صارفین کو مالی اور ڈیجیٹل نقصان پہنچا سکتے ہیں۔ ادارے نے شہریوں کو ہدایت کی ہے کہ کسی بھی نامعلوم یا مشکوک لنک پر کلک کرنے سے گریز کریں اور واٹس ایپ سمیت کسی بھی ایپ کا تصدیقی کوڈ اجنبی افراد سے ہرگز شیئر نہ کریں۔ این سی سی آئی اے کا کہنا ہے کہ ہیکرز خوشیوں کے مواقع کو نشانہ بناتے ہیں، اس لیے شہری محتاط رہیں اور اپنی ذاتی معلومات کو محفوظ رکھیں تاکہ کسی بھی قسم کے آن لائن فراڈ سے بچا جا سکے۔
مزید پڑھیں :ن لیگ کے دو اہم ترین راہنما بیرون ملک روانہ
