اسلام آباد(اے بی این نیوز)وفاقی وزیر خزانہ اور ریونیو سینیٹر محمد اسحاق ڈار نے آج فنانس ڈویژن میں 8ویں پاکستان ازبکستان مشترکہ وزارتی کمیشن کی تیاری کے اجلاس کی صدارت کی جس میں وزیراعظم کے معاون خصوصی برائے خزانہ طارق باجوہ، ،سیکرٹری تجارت، سیکرٹری اقتصادی امور ڈویژن، سیکرٹری ریلوے، سیکرٹری مواصلات اور متعلقہ وزارتوں کے سینئر افسران نے شرکت کی۔ملاقات میں فروری 2023 میں ازبکستان میں ہونے والے پاکستان۔ازبکستان کے مشترکہ وزارتی کمیشن کے اجلاس کے مجوزہ پلان اور ایجنڈے پر غور و خوض کیا گیا۔ اجلاس کا مقصد دونوں ممالک کے درمیان تجارتی لین دین ، تجارت، ریلوے، سرمایہ کاری سمیت متعدد شعبوں میں دوطرفہ تعلقات کو فروغ دینا ہے۔ اس کے علاوہ زراعت، سائنس اور ٹیکنالوجی، تعلیم، سیاحت وغیرہ ٹرانس افغانستان ریل اینڈ روڈ پروجیکٹ بارے دوطرفہ تعلقات اور تعاون میں تیزی لاناہے جبکہ، تجارت کا حجم $1 بلین تک بڑھانا، بینکنگ اور ٹیکسٹائل کے شعبوں میں تعاون اور برآمدات/درآمد کی سہولت جیسے شعبوں میں بھی تلعقات کو فروغ دینا ہے۔وزیر خزانہ سینیٹر محمد اسحاق ڈار پاکستانی وفد کی قیادت کریں گے اور کانفرنس کی شریک صدارت کریں گے
