اسلام آباد (اے بی این نیوز        ) ملک میں ہفتہ وار بنیادوں پر مہنگائی کی شرح میں معمولی کمی ریکارڈ کی گئی ہے۔ ادارہ شماریات کے تازہ اعداد و شمار کے مطابق ایک ہفتے کے دوران مہنگائی میں 0.09 فیصد کمی ہوئی، جبکہ سالانہ بنیادوں پر مجموعی مہنگائی 2.83 فیصد کی سطح پر آ گئی ہے۔رپورٹ کے مطابق حالیہ ہفتے کے دوران 13 اشیائے ضروریہ مہنگی ہوئیں، 11 اشیاء کی قیمتوں میں کمی آئی، جبکہ 27 اشیاء کی قیمتیں بغیر کسی تبدیلی کے مستحکم رہیں۔

اعداد و شمار کے مطابق پسی ہوئی مرچ کی قیمت میں 6.26 فیصد، چکن میں 5.29 فیصد اور کیلے 2.46 فیصد مہنگے ہوئے۔ اس کے علاوہ لہسن، انڈے، گھی اور مٹن کی قیمتوں میں بھی اضافہ دیکھا گیا، جس سے گھریلو بجٹ پر دباؤ بڑھا۔دوسری جانب آلو کی قیمت میں 10.37 فیصد، ٹماٹر 9.64 فیصد، چینی 4.22 فیصد، دال چنا 1.76 فیصد اور پیاز 7.43 فیصد تک سستے ہوئے۔ اس کے ساتھ ساتھ ایل پی جی، دال مسور اور گڑ کی قیمتوں میں بھی کمی ریکارڈ کی گئی۔
ادارہ شماریات کا کہنا ہے کہ بجلی کے چارجز میں بھی اضافہ ہوا ہے، جہاں پہلی سہ ماہی کے دوران بجلی کے نرخ 1.67 فیصد بڑھ گئے، جس کے بعد فی یونٹ قیمت 6 روپے سے بڑھ کر 6 روپے 10 پیسے ہو گئی۔
مزید پڑھیں  :بسنت کے موقع پر عوام کیلئے تحفہ کا اعلان