اسلام آباد(اےبی این نیوز) قومی ائیرلائن نے برطانیہ کے لیے اپنے فلائٹ آپریشن میں توسیع کا اعلان کر دیا ہے۔
ائیرلائن ذرائع کے مطابق قومی ائیرلائن مارچ 2026 سے لندن کے لیے پروازیں شروع کرے گی۔ لندن ایئرپورٹ سے ہفتہ وار چار پروازوں کے لیے سلاٹس حاصل کر لیے گئے ہیں۔
ذرائع کا کہنا ہے کہ یہ سلاٹس پہلے ترکش ائیرلائن کو دیے گئے تھے تاکہ پابندی کے باعث محفوظ رہیں۔ قومی ائیرلائن نے ہیتھرو ایئرپورٹ کو مارچ 2026 سے لندن کی پروازیں شروع کرنے کے حوالے سے تحریری طور پر آگاہ بھی کر دیا ہے۔
اس اقدام سے قومی ائیرلائن کے بین الاقوامی نیٹ ورک میں توسیع ہوگی اور مسافروں کے لیے برطانیہ کے سفر کے مزید آسان مواقع فراہم ہوں گے۔
مزید پڑھیں۔این سی سی آئی اے کاغیر قانونی کال سینٹر پر چھاپہ،15 غیر ملکیوں سمیت34افراد گرفتار
