اسلام آباد( اے بی این نیوز ) اسٹیٹ بینک آف پاکستان نے 25 دسمبر کو ملک بھر کے بینکوں میں عام تعطیل کا اعلان کر دیا ہے۔ یہ تعطیل بانیٔ پاکستان قائداعظم محمد علی جناحؒ کے یومِ پیدائش کے موقع پر دی جا رہی ہے۔نوٹیفکیشن کے مطابق اس دن اسٹیٹ بینک، کمرشل بینک، ترقیاتی مالیاتی ادارے، مائیکروفنانس بینک اور دیگر مالیاتی ادارے بند رہیں گے اور معمول کی بینکنگ سرگرمیاں معطل ہوں گی۔ کلیئرنگ، سیٹلمنٹ اور دیگر بینکنگ سروسز بھی اس روز دستیاب نہیں ہوں گی۔
اسٹیٹ بینک نے عوام اور کاروباری طبقے کو ہدایت کی ہے کہ وہ اپنی مالی ضروریات پیشگی نمٹا لیں تاکہ کسی قسم کی دقت کا سامنا نہ کرنا پڑے۔ تعطیل کے دوران اے ٹی ایم مشینیں معمول کے مطابق فعال رہیں گی، جبکہ آن لائن بینکنگ، موبائل ایپس اور دیگر ڈیجیٹل ادائیگی کے ذرائع بینکوں کی پالیسی کے مطابق دستیاب رہیں گے۔واضح رہے کہ 25 دسمبر کو قائداعظم محمد علی جناحؒ کا یومِ پیدائش سرکاری سطح پر منایا جاتا ہے اور مختلف سرکاری و نجی اداروں میں تقریبات، سیمینارز اور تقریری مقابلوں کا اہتمام کیا جاتا ہے۔
مزید پڑھیں :نواز شریف اہم کردار اد کر سکتے ہیں،لوگ پی ٹی آئی کیساتھ،حکومت کو عوام کی حمایت حاصل نہیں،فواد چودھری
