اسلام آباد(اے بی این نیوز)عالمی مارکیٹ میں قیمت میں کمی کے بعد مقامی مارکیٹ میں سونے کی قیمت میں کمی ریکارڈ کی گئی۔
آل پاکستان جیمز اینڈ جیولرز ایسوسی ایشن کے مطابق آج سونے کی فی تولہ قیمت میں 900 روپے کی کمی ریکارڈ کی گئی جس کے بعد فی تولہ سونا 4 لاکھ 54 ہزار862 روپے پر آ گیا۔
اسی طرح 10 گرام سونے کی قیمت 772 روپے کی کمی کے بعد 3 لاکھ ، 89 ہزار 970 روپے ہو گئی۔
صرافہ ایسوسی ایشن کے مطابق عالمی بازار میں سونے کا بھاؤ 9 ڈالر کم ہو کر 4 ہزار 325 روپے پر آ گیا۔
یاد رہے کہ گزشتہ روز سونے کی قیمت میں 2200 روپے فی تولہ کا اضافی ہوا تھا جس کے بعد فی تولہ سونے کی قیمت 4 لاکھ 55 ہزار 762 روپے ہو گئی تھی۔
