کراچی(اے بی این نیوز) سندھ ہائیکورٹ کے آئینی بینچ نے عدالتی احکامات کے باوجود ایک ریٹائرڈ افسر کو پینشن جاری نہ کرنے پر سخت اقدام کرتے ہوئے ڈائریکٹر جنرل سول ایوی ایشن اتھارٹی (سی اے اے) کے وارنٹ گرفتاری جاری کر دیے ہیں۔
سندھ ہائیکورٹ میں زیرِ سماعت کیس کی سماعت کے دوران عدالت نے حکم دیا کہ ڈی جی سول ایوی ایشن اتھارٹی کے وارنٹ ایک لاکھ روپے کے مچلکوں کے عوض قابلِ ضمانت ہوں گے۔
وکیل کے مطابق عدالت نے ایڈیشنل ڈائریکٹر میڈیکل سروسز ڈاکٹر کریم کو پینشن کی ادائیگی کے احکامات پہلے ہی جاری کیے تھے، تاہم ڈی جی سول ایوی ایشن اتھارٹی کی جانب سے 2022 سے عدالتی فیصلے پر عملدرآمد نہیں کیا جا رہا تھا۔
عدالت نے واضح ہدایت کی ہے کہ ڈی جی سول ایوی ایشن اتھارٹی تعطیلات کے پہلے ہفتے میں عدالت کے روبرو پیش ہوں اور عدالتی احکامات پر فوری عملدرآمد کو یقینی بنائیں۔
عدالتی اقدام کو سول ایوی ایشن اتھارٹی میں عدالتی احکامات کی خلاف ورزی کے خلاف ایک سخت پیغام قرار دیا جا رہا ہے، جس کے ذریعے متعلقہ افسران کی ذمہ داری بھی واضح کر دی گئی ہے۔
مزید پڑھیں۔پی ٹی آئی چھوڑنے والے قاضی انور کے علیمہ خان سے متعلق تہلکہ خیز انکشافات
