لیہ (اے بی این نیوز )پاکستان تحریک انصاف کو ایک اور بڑا دھچکا لگا ہے، جب ضلع لیہ سے اہم رہنما سجاد حسین العمروف سجن خان نے پارٹی چھوڑ کر پیپلز پارٹی میں شمولیت کا اعلان کر دیا۔ چیئرمین پیپلز پارٹی بلاول بھٹو زرداری نے سجن خان کو پارٹی میں خوش آمدید کہا۔
اسی سلسلے میں بلاول بھٹو سے دربار حضرت سلطان باہو کے گدی نشین صاحبزادہ نجیب سلطان نے بھی ملاقات کی اور پیپلز پارٹی کی مکمل حمایت کا اعلان کیا۔ مزید برآں، بریگیڈیئر ریٹائرڈ عاصم نواز اور سابق سٹی ناظم طاہر اعوان نے بھی پیپلز پارٹی میں شمولیت کا اعلان کیا اور چیئرمین سے ملاقات کی۔
یاد رہے کہ چند روز قبل ہی پی ٹی آئی کے تحصیل صدر میجر (ر) طارق محمود نے سماہنی میں پریس کانفرنس کے دوران پارٹی چھوڑنے کا اعلان کیا تھا، جس کے بعد تحریک انصاف کے لیے سیاسی نقصان میں اضافہ ہوا ہے۔
مزید پڑھیں :فوج کے جوڈیشل عمل کے بعد فیض حمید ہائیکورٹ جا سکتے ہیں،خواجہ آصف
