اسلام آباد (اے بی این نیوز )اوورسیز پاکستانیوں کے لیے خوشخبری ہے کہ فیڈرل بورڈ آف ریونیو (ایف بی آر) موبائل فونز پر ٹیکس میں کمی پر غور کر رہا ہے، جس سے بیرون ملک سے فون لانے والے صارفین سستے داموں فون حاصل کر سکیں گے۔
قومی اسمبلی کی خزانہ کمیٹی کے اجلاس میں چیئرمین ایف بی آر راشد لنگڑیال نے بتایا کہ اوورسیز پاکستانیوں کے لیے پرانے یا کم قیمت استعمال شدہ موبائل فونز پر ڈیوٹی میں کمی کے امکانات زیر غور ہیں۔ انہوں نے کہا کہ مارچ تک موبائل فون ٹیکس میں کمی کی حتمی رپورٹ تیار کر لی جائے گی۔
چیئرمین پاکستان ٹیلی کمیونیکیشن اتھارٹی (پی ٹی اے) نے اجلاس میں بتایا کہ پاکستان میں صرف 6 فیصد موبائل فون درآمد ہوتے ہیں، جبکہ باقی 94 فیصد مقامی طور پر تیار کیے جاتے ہیں۔ مقامی فونز پر ٹیکس کی شرح 5 سے 6 فیصد ہے، جبکہ درآمدی فونز پر زیادہ ٹیکس عائد کیا جاتا ہے۔
رکن کسٹمز شکیل شاہ کے مطابق موبائل فون کی مجموعی خریداری سے 82 ارب روپے ٹیکس حاصل ہوا، جن میں سے درآمدی فونز سے صرف 18 ارب روپے کا ریونیو جمع ہوا۔ یہ اقدام اوورسیز پاکستانیوں کے لیے درآمدی فونز کو سستا کرنے میں مددگار ثابت ہو گا۔
مزید پڑھیں :پی ٹی آئی نے حکومت کی پیشکش قبول کر لی،جا نئے کیا
