پشاور (اے بی این نیوز)خیبرپختونخواحکومت نے 9 مئی کے مزید مقدمات ختم کرنے کا فیصلہ کرلیا۔ محکمہ قانون نے 57 کیسز ختم کرنے کی سفارشات صوبائی کابینہ کو ارسال کردیں۔
ذرائع کے مطابق متعدد پی ٹی آئی اراکین اسمبلی مقدمات میں نامزد، سزا کی صورت میں نااہلی کا خدشہ ہے۔ صوبے میں زیادہ تر 9 مئی کےکیسز نمٹا دئے گئے ہیں۔ ایڈووکیٹ جنرل آفس کی جانب سے مقدمات واپس لینے کی سفارش تیار کر دی۔ سفارشات پر حتمی فیصلہ صوبائی کابینہ اجلاس میں ہوگا۔
حکومتی ذرائع کے مطابق کابینہ منظوری کے بعد عدالتوں میں مقدمات واپس لینے کی کارروائی شروع کی جائے گی، ریاست مقدمات سے دستبرداری کی منظوری کے بعد دعویداری ختم کردے گی۔ علی امین کی حکومت میں بھی کابینہ سے سرکولیشن کے ذرئعے منظوری لے کر کیس سے ریاست نے دستبرداری کر دی تھی۔
معاون خصوصی برائے اطلاعات خیبرپختوںخوا شفیع اللہ جان کا کہنا تھا کہ تمام کیسز سیاسی اور انتقامی بنیادوں پر بنائے گئے تھے، جتنے بھی کیسز ہیں انصاف کے تقاضوں پر پورے نہیں اتر رہے ہیں، ایسے بے بنیاد اور من گھڑت کیسز کو ختم کرنا چاہئے۔
مزید پڑھیں۔پی ٹی آئی پارلیمانی پارٹی اجلاس کی اندرونی کہانی سامنے آ گئی
