اسلام آباد(اے بی این نیوز)پاکستان اسٹاک ایکسچینج میں زبردست تیزی ، انڈیکس نے ایک مرتبہ پھر ایک لاکھ ، 67 ہزار کی حد عبور کر لی ، تبادلہ مارکیٹ میں ڈالر کے مقابلے میں پاکستانی روپے کی قدر میں بھی بہتری آئی ہے۔
کاروباری ہفتے کے آخری روز اسٹاک مارکیٹ میں زبردست تیزی دیکھی گئی ، کاروبار کے آغاز پر 100 انڈیکس میں 1143 پوائنٹس کا اضافہ ہوا جس سے انڈیکس ایک لاکھ 67 ہزار 427 پوائنٹس پر ٹریڈ کرتے دیکھا گیا۔
گزشتہ روز بھی اسٹاک مارکیٹ میں پہلے سیشن میں مثبت کاروبار کا آغاز ہوا تھا تاہم کاروباری دن کے اختتام پر انڈیکس منفی زون میں چلا گیا۔
دوسری جانب انٹر بینک میں ڈالر مزید سستا ہو گیا ہے ، ایکسچینج کمپنیز ایسوسی ایشن کے مطابق انٹر بینک میں 4 پیسے کی کمی سے ڈالر کی قیمت 280 روپے 40 پیسے ہو گئی ہے۔
مزید پڑھیں۔یوکرینی صدر کے جہاز کی اڑان کے راستے میں 5 ڈرونز آگئے
