پشاور(اے بی این نیوز )خیبر پختونخوا کے ضلع لکی مروت میں پولیس وین پر خود کش حملہ ہوا جس میں ایک اہلکار شہید جب کہ چھ زخمی ہو گئے۔
پولیس کے مطابق کٹوخیل اڈہ کے قریب تھانہ تجوڑی کی موبائل وین پر خودکش حملہ کیا گیا، زخمیوں میں دو اہلکاروں کی حالت تشویشناک ہے، جبکہ ایڈیشنل ایس ایچ او بھی زخمیوں میں شامل ہیں۔
دھماکے کے بعد پولیس کی بھاری نفری موقع پر پہنچ گئی اور علاقے کو گھیرے میں لے لیا۔ شواہد اکٹھے کرنے کے ساتھ ساتھ جائے وقوعہ پر سرچ آپریشن بھی جاری ہے۔
پولیس حکام کا کہنا ہے کہ ابتدائی معلومات کے مطابق دھماکہ خودکش حملہ تھا۔
مزید پڑھیں۔لاہور کی مارکیٹ میں سولر پینلز کی قیمتوں میں کمی ہونے لگی
