اسلام آباد (اے بی این نیوز) سینیٹ کا اجلاس آج منعقد ہوگا جس کے لیے 51 نکاتی ایجنڈا جاری کر دیا گیا ہے۔ ایجنڈے میں اہم قوانین اور ترمیمی بل شامل ہیں جن پر بحث اور منظوری متوقع ہے۔
اس اجلاس میں پاکستان سائیکو لوجیکل کونسل بل 2025، الیکٹرانک کرائمز ایکٹ میں ترمیمی بل 2025 اور ایس ای سی پی ایکٹ میں ترمیمی بل پیش کیے جائیں گے۔ اسلام آباد میٹرو بس سروس بل 2025 سینیٹر سرمد علی متعارف کرائیں گے جبکہ ورچوئل ایسٹس ریگولیشن بل 2025 بھی ایجنڈے کا حصہ ہے۔
پاکستان براڈکاسٹنگ کارپوریشن ایکٹ میں ترمیم، پی ایم ڈی سی ایکٹ میں مزید ترامیم، لیگل پر ایکٹیشنز اینڈ بار کونسلز ترمیمی بل، اور یونیورسٹیوں میں سپیشل سیٹس سے متعلق بل بھی اجلاس میں زیر غور آئیں گے۔ گرفتار افراد کے حقوق سے متعلق بل 2020 اور انسانی سمگلنگ کی روک تھام ترمیمی بل 2024 کمیٹی رپورٹ کے ساتھ پیش ہوگی۔
اس کے علاوہ پاکستان پینل کوڈ میں ترامیم کا بل، کرمنل لاز ترمیمی بل 2024 اور مینٹل ہیلتھ آرڈیننس ترمیمی بل بھی پیش کیے جائیں گے۔ پاکستان نرسنگ کونسل ترمیمی بل 2024، فیٹل ایکسیڈنٹس ایکٹ ترمیمی بل 2024، اور عربی زبان کو گریڈ 1 تا 12 میں لازمی قرار دینے کی قرار داد بھی ایجنڈے کا حصہ ہے۔
اجلاس میں ملک میں بے روزگاری کنٹرول کرنے کے اقدامات، سیلاب 2025 سے متاثرہ خاندانوں کے لیے ریلیف پیکجز، آئی ایم ایف کی کرپشن ڈائیگناسٹک رپورٹ پر بحث، چترال ایئرپورٹ کے لیے پروازیں بحال کرنے کی تجویز اور ملٹی نیشنل کمپنیوں کے پاکستان چھوڑنے کے اثرات بھی زیر بحث آئیں گے۔
مزید پڑھیں :تنخواہ دار طبقے کے لیے بڑا ریلیف، جا نئے کیا
