پشاور (اے بی این نیوز) عوامی نیشنل پارٹی کے مرکزی صدر سینیٹر ایمل ولی خان نے کہا ہے کہ گورنر راج کے معاملے سے اے این پی کو مکمل طور پر باہر رکھا جائے، کیونکہ پارٹی ہمیشہ سے جمہوری اقدار، برداشت اور ترقی کی نمائندہ رہی ہے۔
اپنے بیان میں انہوں نے کہا کہ اے این پی کی بنیاد خدائی خدمت گار تحریک کے عدم تشدد اور انسانی وقار کے اصولوں پر رکھی گئی ہے، اور یہی نظریہ آج بھی پارٹی کی شناخت ہے۔
ایمل ولی خان کا کہنا تھا کہ ہمارا مؤقف ہمیشہ امن، برداشت اور بین المذاہب ہم آہنگی کے گرد گھومتا ہے۔ پشتون قوم نے تاریخ میں نوآبادیاتی ظلم کے مقابل ہمیشہ باوقار اور اصولی رویہ اپنایا اور اے این پی اسی روایت کو آگے لے کر چل رہی ہے۔
انہوں نے کہا کہ اے این پی 1986 سے جمہوری سوشلزم اور مضبوط وفاقیت کی آواز رہی ہے۔ ہم پشتون قوم پرستی کو امن، ترقی اور انصاف کے ساتھ جوڑ کر آگے بڑھتے ہیں۔
ایمل ولی خان نے زور دیا کہ اے این پی آج بھی پاکستان میں جمہوریت اور ترقی کی علامت سمجھی جاتی ہے، اسی لیے گورنر راج سے متعلق کوششوں میں پارٹی کو شامل نہ کیا جائے۔
مزید پڑھیں :گورنر راج؟کے پی حکومت کا دھڑلے دار رد عمل آگیا،جا نئے کیا
