پشاور ( اے بی این نیوز )خیبر پختونخوا میں ممکنہ گورنر راج کی خبروں پر صوبائی معاونِ خصوصی برائے اطلاعات شفیع جان نے سخت ردعمل دیا ہے۔ انہوں نے کہا کہ اگر گورنر راج لگانا ہے تو آج ہی لگا دیں ۔ ایسے ایڈونچر کی کوشش پر ردعمل بھی انہیں فوراً معلوم ہو جائے گا۔ شفیع جان نے کہا کہ عطا اللہ تارڑ کی جانب سے لگائے گئے الزامات بے بنیاد ہیں۔ اگر حکومت کے پاس ثبوت ہیں تو سامنے لائے کہ ہمارے سیاسی رہنماؤں کا دہشتگردوں سے کوئی تعلق ہے۔
دوسری جانب تحریک انصاف کے سیکرٹری اطلاعات شیخ وقاص اکرم نے بھی اس معاملے پر ردعمل دیتے ہوئے کہا کہ گورنر راج کی باتیں نئی نہیں۔ انہوں نے کہا کہ علی امین گنڈاپور کے دور میں بھی ایسے بیانات سامنے آتے رہے۔ گورنر خود بھی کئی بار یہ بات کر چکے ہیں اور وفاقی وزراء بھی یہی کہتے رہے ہیں، اس لیے آج دوبارہ اس معاملے کو کسی مخصوص ایجنڈے کے تحت اٹھایا گیا ہے۔
مزید پڑھیں :پٹرولیم مصنوعات کی قیمتوں میں کمی کا اعلان،جانئے فی لٹر کتنے کا ہو گیا
