بکوٹ (اے بی این نیوز)بکوٹ سرکل کی عوام نے احتجاج کے طور پر کوہالہ انٹری پوائنٹ مکمل طور پر بند کر دیا ہے، جس کے باعث کاروباری حضرات اور سیاح کشمیر جانے سے گریز کر رہے ہیں۔عوام نے یہ احتجاج پاکستان تحریک انصاف کے رکن قومی اسمبلی علی اصغر خان (صاحبزادہ ایئرمارشل ریٹائر اصغر خان) اور سابق صوبائی وزیر نزیر عباسی کے خلاف کیا ہے۔ شہریوں کا کہنا ہے کہ منتخب نمائندے حلقے کی ترقی میں مکمل طور پر ناکام ہیں اور اپنی ذاتی مفادات اور قریبی دوستوں کو نوازنے کی پالیسی پر عمل کر رہے ہیں۔
علاقے کے رہائشیوں نے مزید بتایا کہ سڑکیں خستہ حال ہیں، طبی سہولیات نہ ہونے کے برابر ہیں، اسکولوں میں اسٹاف کی کمی ہے اور دیگر اہم مسائل حل نہیں ہو رہے۔ عوام کا کہنا ہے کہ بنیادی سہولیات کی فراہمی میں ناکامی کے خلاف احتجاج شروع کیا گیا اور سڑکیں بند کر کے اپنا مطالبہ منوانے کی کوشش کی جا رہی ہے۔
مزید پڑھیں :اہم سربراہ تبدیل ہو نے جا رہا ہے،6 نام میدان میں آگئے،جا نئے کون
