پشاور(اے بی این نیوز)خیبر پختونخوا میں گورنر راج کے نفاذ کی تجویز پر خاموشی سے غور شروع ہو گیا ہے، جبکہ گورنر کے منصب کے لیے چھ نام سامنے آنے کی اطلاعات ہیں۔ذرائع کے مطابق فیصل کریم کنڈی کا نام سرفہرست ہے اور امکان ظاہر کیا جا رہا ہے کہ وہی اپنے فرائض جاری رکھیں گے۔ دیگر ناموں میں امیر حیدر خان ہوتی، پرویز خٹک اور آفتاب شیر پاؤ شامل ہیں۔ اس کے علاوہ دو ریٹائرڈ لیفٹیننٹ جنرلز، غیور اور خالد ربانی کے نام بھی زیر غور ہیں۔
بتایا جا رہا ہے کہ وفاقی سطح کے اہم ترقیاتی منصوبے ڈیرہ اسماعیل خان کے لیے لائے جانے کا امکان ہے، جس کا ذکر فیصل کریم کنڈی نے بھی کیا۔ادھر فیصل کریم کنڈی نے گورنر خیبر پختونخوا کی تبدیلی سے متعلق تمام افواہوں کی تردید کر دی۔ میڈیا سے گفتگو میں ان کا کہنا تھا کہ پارٹی جو فیصلہ کرے گی، وہ اسے قبول کریں گے۔ انہوں نے کہا کہ میڈیا پر جن ناموں کا چرچا ہو رہا ہے، انہیں اس حوالے سے کوئی اطلاع نہیں ملی۔
مزید پڑھیں :عمران خان سے ملاقات؟ کے پی اسمبلی کا اہنگا می اجلاس طلب
