کوئٹہ (اے بی این نیوز) کوئٹہ کے علاقے سریاب میں ریلوے ٹریک کو دھماکے سے اڑا دیا گیا جس کے بعد ٹرینوں کی آمدورفت روک دی گئی۔
ذرائع کے مطابق کوئٹہ کے علاقے سریاب میں ریلوے ٹریک کو بارودی مواد سے اڑا دیا گیا ہے۔
پولیس کے مطابق دھماکے کے نتیجے میں ریلوے ٹریک کو نقصان پہنچا ہے جس کے باعث ٹرینوں کی آمدورفت روک دی گئی۔
پولیس کا کہنا ہے کہ دھماکے کے بعد پولیس کا بم ڈسپوزل اسکواڈ جائے وقوعہ پر پہنچ گیا جبکہ پولیس نے علاقے کو گھیرے میں لے لیا۔
اس سے قبل کوئٹہ کے قمبرانی روڈ پر یکے بعد دیگرے دو دھماکے ہوئے تھے جن میں پولیس چوکی اور سی ٹی ڈی کی گاڑی کو نشانہ بنایا گیا تھا تاہم ان دھماکوں میں کوئی جانی نقصان نہیں ہوا۔
پولیس نے بتایا کہ پہلا دھماکا قمبرانی روڈ کے قریب اس وقت ہوا جب نامعلوم موٹر سائیکل سوار حملہ آوروں نے پولیس چیک پوسٹ پر دستی بم پھینکا۔
دوسرا دھماکا، دیسی ساختہ بم (آئی ای ڈی) سے ہوا، اسی علاقے میں اس وقت ہوا جب شرپسندوں نے پہلے دھماکے کی جگہ کی طرف جانے والی سی ٹی ڈی کی گاڑی کو نشانہ بنانے کی کوشش کی۔
مزید پڑھیں:عثمان خواجہ مشکل میں! آئی سی سی کے فیصلے پر تبصرہ بھاری پڑ گیا
