اسلام آباد (اے بی این نیوز)ملک میں پیٹرولیم مصنوعات کی قیمتوں میں ایک بار پھر ردوبدل کا امکان ظاہر کیا جا رہا ہے، جس کے تحت 16 نومبر سے ڈیزل اور دیگر مصنوعات کی قیمتیں بڑھ سکتی ہیں، جبکہ پیٹرول کے نرخوں میں معمولی کمی متوقع ہے۔
مارکیٹ ذرائع کے مطابق پیٹرولیم انڈسٹری نے نئی قیمتوں کے لیے جو تجویز تیار کی ہے، اس کے تحت ہائی اسپیڈ ڈیزل کی فی لیٹر قیمت میں 9 روپے 60 پیسے اضافہ تجویز کیا گیا ہے۔ دوسری جانب پیٹرول کی فی لیٹر قیمت میں 1 روپے 96 پیسے کمی کا امکان ظاہر کیا جا رہا ہے۔
ذرائع نے بتایا کہ مٹی کے تیل کی قیمت میں 8 روپے 82 پیسے اور لائٹ ڈیزل آئل میں 7 روپے 15 پیسے اضافہ تجویز کیا گیا ہے، جس کے بعد 16 نومبر سے پیٹرول کی ممکنہ نئی قیمت 263 روپے 49 پیسے فی لیٹر جبکہ ہائی اسپیڈ ڈیزل کی قیمت 288 روپے 4 پیسے فی لیٹر تک پہنچ سکتی ہے۔
اوگرا نئی قیمتوں کی سمری ہفتے کے روز وفاقی حکومت کو ارسال کرے گی۔ وزیر اعظم کی منظوری کے بعد وزارتِ خزانہ باضابطہ طور پر پیٹرولیم مصنوعات کے نئے نرخوں کا نوٹیفکیشن جاری کرے گی۔
مزید پڑھیں :علیمہ خان کیخلاف اہم کارروائی کا آغاز،جا نئے کس بارے چھان بین ہو رہی ہے
