اسلام آباد(اے بی این نیوز)پاکستان اسٹاک ایکسچینج میں مثبت کاروبار کے باعث ایک لاکھ ، 61 ہزار کی حد بھی بحال ہو گئی ، دوسری جانب امریکی ڈالر بھی سستا ہو گیا۔
کاروباری ہفتے کے آخری روز بھی کاروبار کے آغاز پر اسٹاک ایکسچینج میں تیزی دیکھنے میں آئی، 100 انڈیکس 628 پوائنٹس کے اضافے کے ساتھ ایک لاکھ 61 ہزار 286 پوائنٹس کی سطح پر پہنچ گیا۔
واضح رہے کہ گزشتہ کاروباری روز کے اختتام پر ہنڈرڈ انڈیکس 2473 پوائنٹس کے اضافے کے ساتھ ایک لاکھ 60 ہزار 657 پوائنٹس کی سطح پر بند ہوا تھا۔
دوسری جانب ڈالر کی قیمت میں بھی کمی ریکارڈ کی گئی ہے ، ایکسچینج کمپنیز ایسوسی ایشن کے مطابق انٹر بینک میں 6 پیسے سستا ہونے کے بعد ڈالر 280 روپے 76 پیسے کا ہو گیا۔
مزید پڑھیں۔آئینی عدالت کے ججز کی تقریب حلف برداری کیلئے تیاریاں مکمل
