اسلام آباد (اے بی این نیوز     )ملک میں پیٹرولیم مصنوعات کی قیمتوں میں 16 نومبر سے نمایاں ردوبدل کا امکان ہے۔ مارکیٹ ذرائع کے مطابق ہائی اسپیڈ ڈیزل کی قیمت میں فی لیٹر 9 روپے 60 پیسے اضافے اور پیٹرول کی قیمت میں 1 روپے 96 پیسے کمی کی تجویز دی گئی ہے۔ مٹی کے تیل کی فی لیٹر قیمت میں 8 روپے 82 پیسے اور لائٹ ڈیزل آئل کی قیمت میں 7 روپے 15 پیسے بڑھنے کا امکان ظاہر کیا گیا ہے۔

تجویز کے مطابق پیٹرول کی نئی ممکنہ قیمت 263 روپے 49 پیسے فی لیٹر اور ہائی اسپیڈ ڈیزل کی قیمت 288 روپے 4 پیسے فی لیٹر تک پہنچ سکتی ہے۔ ذرائع کے مطابق اوگرا نئی سمری ہفتے کے روز وفاقی حکومت کو ارسال کرے گی، جس کے بعد وزیر اعظم کی منظوری کے بعد وزارتِ خزانہ پیٹرولیم مصنوعات کی نئی قیمتوں کا نوٹیفکیشن جاری کرے گی۔

مزید پڑھیں :27 ویں ترمیم کے بعد اہم تعیناتی سامنے آگئی،جا نئے تفصیل