کراچی (اے بی این نیوز) سندھ کی عظیم روحانی شخصیت سید اصغر علی شاہ عرف سخی جام داتارؒ کے 754ویں سالانہ عرس کے موقع پر شہید بینظیر آباد میں پیر کے روز تعطیل کا اعلان کردیا گیا۔
ڈپٹی کمشنر شہید بینظیر آباد عبدالصمد نظامانی نے ضلع بھر میں (پیر) 17 نومبر 2025 کو عام تعطیل کا نوٹیفکیشن جاری کر دیا ، سٹوڈنٹس اور شہری ایک ساتھ دو چھٹیوں سے لطف اندوز ہوسکیں گے۔
ضلعی انتظامیہ کی جانب سے جاری کردہ نوٹیفکیشن کے مطابق ضلع بھر میں 17 نومبر کو پیر کے روز تمام سرکاری دفاتر، تعلیمی ادارے اور عوامی محکمے بند رہیں گے۔
عرس کے موقع پر ضلعی انتظامیہ اور پولیس کی جانب سے سکیورٹی، ٹریفک اور صفائی کے خصوصی انتظامات مکمل کر لیے گئے جبکہ شہر کے اہم داخلی و خارجی راستوں پر چیک پوسٹس بھی قائم کر دی گئی ہیں۔
سخی جام داتارؒ کے عرس کے موقع پر میڈیکل کیمپس اور کنٹرول روم بھی قائم کیا جائے گا تاکہ کسی بھی ہنگامی صورتحال سے فوری نمٹا جا سکے، تین روزہ عرس کی تقریبات کا 17 نومبر سے ہو گا جو 19 نومبر تک تاریخی قصبے جام صاحب میں منعقد ہوں گی۔
عرس میں سندھ بھر سمیت ملک کے مختلف حصوں سے زائرین اور عقیدت مندوں کی بڑی تعداد شرکت کرے گی، عرس کے موقع پر روحانی محافل، دعا و مناجات، صوفیانہ موسیقی اور لنگر کا خصوصی اہتمام بھی کیا جائے گا۔
مزید پڑھیں۔
