اسلام آباد(اے بی این نیوز)پی ٹی اے کا ٹیلی کام کمپنیوں کے لیے پاکستان میں ڈیٹا ہوسٹنگ لازمی قرار دینے کا فیصلہ ۔ تفصیلات کے مطابق پی ٹی اے نے کریٹیکل ٹیلی کام ڈیٹا اینڈ انفراسٹرکچر سیکیورٹی ریگولیشنز 2025″ کو حتمی شکل دیدی ۔

پی ٹی اے نے نئی سیکیورٹی ریگولیشنز پر اسٹیک ہولڈرز سے فیڈبیک طلب کر لیا ۔تمام لائسنس یافتہ کمپنیوں کے لیے ڈیزاسٹر ریکوری اور بزنس کنٹی نیوٹی پلان لازمی ہوں گے۔ریگولیشنز ٹیلی کام سیکٹر سائبر سیکیورٹی کو مضبوط بنانے کے لیے تیار کیے گئے ہیں ۔پی ٹی اے نے ٹیلی کام کمپنیوں کو زیرو ٹرسٹ سیکیورٹی ماڈل اپنانے کی ہدایت کر دی۔

دستاویز کے مطابق ہر ٹیلی کام ادارہ چیف انفارمیشن سیکیورٹی آفیسر (CISO) تعینات کرے گا۔ٹیلی کام کمپنیوں کو سالانہ رسک اسیسمنٹ اور سائبر آڈٹ کروانے کی ہدایت۔کسی بھی سنگین سائبر واقعہ کی رپورٹ 24 گھنٹوں میں پی ٹی اے کو دینا لازمی ہوگی۔پی ٹی اے کو غیر ملکی سافٹ ویئر یا آلات کے استعمال پر پابندی لگانے کا اختیار حاصل ہوگا۔ریگولیشنز کے تحت انفارمیشن سیکیورٹی اسٹیئرنگ کمیٹیاں قائم کرنا لازمی ہوگا۔

کمپنیوں کو سپلائی چین اور وینڈرز کی سیکیورٹی یقینی بنانے کی ہدایت۔نئی ریگولیشنز کے ذریعے صارفین کے ڈیٹا کے تحفظ کے اقدامات مزید سخت ہونگے۔پی ٹی اے نے “سی ٹی ڈی آئی ایس آر 2025” پر عوامی رائے دینے کی آخری تاریخ 7 نومبر مقرر کردی۔سی ٹی ڈی آئی ایس آر 2025، پرانی 2020 فریم ورک کی جگہ لے گا۔
مزید پڑھیں: آسٹریلوی بیٹر ٹم ڈیوڈ کا بھارتی بائولر کو 129 میٹر کا چھکا