اسلام آباد (  اے بی این نیوز   )پنجاب میں موسم ایک بار پھر تبدیل ہونے والا ہے ترجمان پی ڈی ایم اے کے مطابق آج شام سے صوبے کے بیشتر اضلاع میں ہلکی بارشوں کا سلسلہ شروع ہونے کا امکان ہے جو پانچ نومبر تک وقفے وقفے سے جاری رہے گا

پی ڈی ایم اے پنجاب نے بتایا ہے کہ لاہور، راولپنڈی، مری، گلیات، اٹک، تلہ گنگ، جہلم، سیالکوٹ اور نارووال میں بارشیں متوقع ہیں جبکہ مری اور گلیات سمیت دیگر پہاڑی علاقوں میں برف باری کی پیشگوئی بھی کی گئی ہے ڈی جی پی ڈی ایم اے عرفان علی کاٹھیا کا کہنا ہے کہ بارشوں کے باعث درجہ حرارت میں نمایاں کمی واقع ہوگی اور ممکنہ بارشوں سے سموگ میں کمی آنے کا امکان ہے

ڈی جی پی ڈی ایم اے نے شہریوں کو ہدایت کی ہے کہ سموگ سے بچاؤ کے لیے ماسک کا استعمال کریں اور غیر ضروری طور پر باہر نہ نکلیں ترجمان کے مطابق پی ڈی ایم اے کنٹرول روم میں موسم اور ہنگامی صورتحال کی مانیٹرنگ چوبیس گھنٹے جاری ہے

عرفان علی کاٹھیا نے مزید کہا کہ شہری خراب موسم کے دوران غیر ضروری سفر سے گریز کریں کسان اپنی سرگرمیوں کو موسم کی صورتحال کے مطابق ترتیب دیں اور دوران سفر فوگ لائٹس کا استعمال کریں کسی بھی ہنگامی صورتحال میں شہری پی ڈی ایم اے ہیلپ لائن 1129 پر فوری رابطہ کریں

مزید پڑھیں :ستاروں کی روشنی میں آج بروزمنگل04نومبر اپنے کیرئر،محبت،شادی اور دن بارے جانئے ؟