پشاور ( اے بی این نیوز ) خیبر پختونخوا کابینہ کے 13 اراکین کو قلمدان سونپ دیے گئےپشاور: خیبر پختونخوا کی صوبائی حکومت نے کابینہ کے 13 اراکین کو مختلف محکموں کے قلمدان سونپ دیے ہیں۔ وزیراعلیٰ خیبر پختونخوا کی ہدایت پر جاری اعلامیہ کے مطابق نئے وزراء، مشیروں اور معاونین خصوصی کو ذمہ داریاں تفویض کر دی گئی ہیں۔
اعلامیے کے مطابق شفیع اللہ جان کو معاونِ خصوصی برائے اطلاعات، نشریات اور عوامی تعلقات مقرر کیا گیا ہے۔
ارشد ایوب خان کو وزیرِ ابتدائی و ثانوی تعلیم، امجد علی کو وزیرِ ہاؤسنگ، جبکہ مینا خان آفریدی کو وزیرِ بلدیات و دیہی ترقی کا قلمدان دیا گیا ہے۔فضل شکور کو صوبائی وزیر پبلک ہیلتھ انجینئرنگ، ریاض خان کو وزیر آبپاشی، اور آفتاب عالم آفریدی کو صوبائی وزیر قانون، پارلیمانی امور اور انسانی حقوق کی ذمہ داریاں سونپی گئی ہیں۔اسی طرح سید فخر جہان وزیر ایکسائز، ٹیکسیشن اور نارکوٹکس کنٹرول، خالق الرحمان وزیر صحت، اور عاقب اللہ وزیر ریلیف، بحالی اور آبادکاری مقرر کیے گئے ہیں۔ فیصل خان تراکئی کو وزیر محنت، تاج محمد ترند کو مشیر برائے کھیل و امورِ نوجوانان اور مزمل اسلم کو مشیر خزانہ خیبر پختونخوا تعینات کیا گیا ہے۔
مزید پڑھیں :وقار یونس کا حسد قومی کرکٹر کو لے ڈوبا،جا نئےحیران کن انکشافات
