اسلام آباد ( اے بی این نیوز ) ایل پی جی قیمتوں میں کمی،اوگرا نے نوٹیفکیشن جاریم کر دیا،ماہ نومبر کے لیے ایل پی جی کی قیمتوں میں کمی کا فیصلہ۔ ایل پی جی کے گھریلو سیلنڈر کی قیمت میں 69 روپے 44 پیسے کی کمی۔
گھریلو صارفین کے لیے فی سلنڈر نئی قیمت 2,378 روپے 89 پیسے مقرر۔ رواں ماہ اکتوبر کیلئے فی سلنڈر قیمت 2,448 روپے 33 پیسے مقرر تھی۔ نومبر کیلئے فی کلوگرام ایل پی جی کی قیمت میں 5 روپے 88 پیسے کی کمی۔ نئی قیمتیں یکم نومبر 2025 سے نافذ العمل ہوں گی۔
ملک میں پیٹرولیم مصنوعات ایک بار پھر مہنگی ہونے کا امکان ظاہر کیا جا رہا ہے۔ حکومت کی جانب سے آئندہ 15 روز کے لیے پیٹرول اور ڈیزل کی قیمتوں میں اضافہ متوقع ہے، جو یکم نومبر سے نافذ ہوگا۔ذرائع کے مطابق اوگرا نے نئی قیمتوں سے متعلق سمری تیار کر لی ہے جو آج وزارتِ خزانہ کو بھیجی جائے گی۔ وزارتِ خزانہ حتمی منظوری کے بعد آج رات یا کل صبح نئی قیمتوں کا باضابطہ اعلان کرے گی۔
ابتدائی اندازوں کے مطابق پیٹرول کی قیمت میں 2 روپے 35 پیسے فی لیٹر جبکہ ہائی اسپیڈ ڈیزل میں 2 روپے 50 پیسے فی لیٹر اضافہ متوقع ہے۔ منظوری کے بعد یکم نومبر سے ملک بھر میں پیٹرول اور ڈیزل نئی قیمتوں پر دستیاب ہوں گے۔اوگرا کے ترجمان کے مطابق ملک میں پیٹرولیم مصنوعات کی کوئی قلت نہیں اور فراہمی معمول کے مطابق جاری ہے۔
اقتصادی ماہرین کا کہنا ہے کہ عالمی منڈی میں خام تیل کی قیمتوں میں معمولی اضافہ، درآمدی اخراجات اور ٹیکسوں میں اضافے کے باعث قیمتوں پر دباؤ بڑھا ہے۔ ساتھ ہی روپے کی قدر میں کمی نے بھی پیٹرولیم مصنوعات کی لاگت میں اضافہ کیا ہے۔
مزید پڑھیں :وزیراعظم کی وزیراعلیٰ خیبرپختونخوا کو بڑی پیشکش،جا نئے کیا
