اسلام آباد ( اے بی این نیوز )اسلام آباد ہائیکورٹ کا وفاقی دارالحکومت کے رہائشی علاقوں میں غیر قانونی گیسٹ ہاؤسز اور ہاسٹل کیخلاف سی ڈی اے کو کارروائی کا حکم۔ سی ڈی اے کارروائی کیخلاف 2 درخواستیں واپس لئے جانے کی بنیاد پر خارج ۔
عدالت نے تین درخواستیں عدم پیروی پر خارج کردیں۔ سی ڈی اے کو رہائشی علاقوں میں غیر قانونی ہاسٹلز اور گیسٹ ہاؤسز کیخلاف کارروائی سے روکنے کا حکم امتناع واپس ۔ اسلام آباد ہائیکورٹ کے جسٹس انعام امین منہاس نے سماعت کی۔
سی ڈی اے وکیل بیرسٹر بلال نصیر نے جعلی نوٹسز کا معاملہ عدالت میں اٹھا دیا۔ غیر قانونی ہاسٹلز کیخلاف کارروائی سے روکنے کے لیے جعلی نوٹیفکیشن پر حکم امتناع لئے جانے کا انکشاف ۔ وکیل سی ڈی اے بیرسٹر بلال نصیر نے کہا کہ
سی ڈی اے کو کارروائی سے روکنے کے لیے جعلی نوٹسز کا سہارا لیا گیا۔ سی ڈی اے زوننگ قوانین کی خلاف ورزی پر کارروائی سے بچنے کے لیے جعلی نوٹسز استعمال ہوئے۔ اسلام آباد ہائیکورٹ نے عدم پیروی اور کچھ درخواستیں واپس لئے جانے کی بنیاد پر خارج کردیں۔
مزید پڑھیں :وزیراعظم کی وزیراعلیٰ خیبرپختونخوا کو بڑی پیشکش،جا نئے کیا
