اسلام آباد (اے بی این نیوز)آزاد کشمیر میں سیاسی صورتحال فیصلہ کن موڑ پر پہنچ گئی۔ پیپلز پارٹی قیادت کا دعویٰ ، آج کی رات سیاسی منظرنامہ بدل جائے گا۔ پیپلز پارٹی آزاد کشمیر نے نمبر گیم مکمل ہونے کا دعویٰ کر دیا۔
پیپلز پارٹی کا کہنا ہے 30 سے زائد ارکان اسمبلی ہمارے ساتھ ہیں۔ مسلم لیگ (ن) کی حمایت کے بغیر حکومت بنانے کا اعلان، پیپلز پارٹی کا دعویٰ۔ فریال تالپور کی جانب سے آج سندھ ہاؤس اسلام آباد میں رات 10 بجے ڈنر دیا جائے گا۔
ڈنر میں پیپلز پارٹی کی پارلیمانی پارٹی، مہاجرین نشستوں اور بیرسٹر سلطان گروپ کے ارکان شریک ہوں گے۔ بیرسٹر سلطان کے دھڑے نے زرداری ہاؤس میں فریال تالپور کے ساتھ ملاقات میں ووٹ کی یقین دہانی کرادی۔
ذرائع کے مطابق، بیرسٹر گروپ کے 5 اور مہاجرین نشستوں کے 5 ارکان پیپلز پارٹی کے ساتھ ہیں۔ دو ارکان کی حمایت خفیہ رکھی گئی ہے۔ پیپلز پارٹی کے مطابق دونوں دھڑوں کی شمولیت کے بعد 30 سے زائد ارکان کا ساتھ حاصل ہے۔
پیپلز پارٹی آج پاور شو کے ذریعے اپنی عددی برتری ثابت کرے گی۔ ڈنر سیاسی طاقت کے مظاہرے میں تبدیل ہونے کا امکان۔ آزاد کشمیر کی سیاست میں جوڑ توڑ عروج پر، فیصلہ کن پیش رفت متوقعہے۔
مزید پڑھیں : کر کٹ بخار تیار،پاکستان اور جنوبی افریقہ کا پہلا ٹی ٹوئنٹی میچ کب کھیلا جائے گا،جا نئے
